الموت ديال الضحك مع نكت مغربية محترمة ونقية

نكت مغربية محترمة و نقية

هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية

واحد المعلم قال للتلاميد دياولو: اللي حاس براسو مكلخ يوقف
سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟
قال ليه التلميد: لا، غير ما بغيتكش تبقى واقف بوحدك  

هادا واحد الزقرام  كيقرا ف محو الأمية. سولو المعلم قال ليه: 60+60 شحال كتساوي؟
قال ليه السقرام : 120  
وهو يقول ليه المعلم: مالك البارح قلتي للمفتش 140؟
أو هو يقول ليه الزقرام: راه زدت عليه حيت هو ماشي من الكليان ديالي

هادا واحد بغى يشري بيستاش وما عرفش سميتو
مشى عند مول الحانوت وقال ليه: عطيني كاوكاو اللي كيضحك

هادا واحد الراجل سول الطبيب ديالو: دكتور، واش غادي نقدر نلعب البيانو من بعد ما ندير هاد العملية؟
قال لي الطبيب: أكيد
قال ليه الراجل: مزياااااااان. حيت ماعمرني كنت نعرف نلعب البيانو من قبل

هذا واحد العروبي مشى للبحر عين الدياب ، شاف البنات كيتشمسو ، قال لواحد الشمكار؛ ناري كون كانت السيبة. رد عليه الشمكار؛ كون كانت السيبة نبدا بيك أنت الاول    

هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا

قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور قال ليه خينا: إيوا فرتت ليا عافاك واحد تلاتة ديال ميل فوي

واحد الراجل سميتو مبارك، شرى حولي ودخل بيه الدرب
شافتو جارتو من الشرجم، وقالت ليه: مبارك الحولي
قال ليها: خدوج النعجة 

نكت اخرى:

أقوى النكت المغربية لهذا العام، اضحك للدنيا تضحك لك

Nokat نكت مغربية جديدة ، جديد النكت المغربية 2012

نكت بالدارجة المغربية صداع الراس موت ديال الضحك

نكت مغربية حارة باللهجة المغربية الدارجة

----

المصدر: مدونة سامي سهيل 

http://samysouhail.blogspot.com